गढ़वाली अनुवाद: डॉ. कविता भट्ट 

कुर्सी माँ बैढ्‌याँ-बैठ्‌याँ राजनीति कुछ गुनगुनाणी है।  “एकुली- एकुली यु क्य छै गुन गुनाणि, जरा मिथे बी त सुणौ !” कुर्सी न राजनीति तैं बोली ।

राजनीति मुल- मुल हैंसी अर वीं न बोली, “ले तू बि सूण !” राजनीति न फिर जोर से गीत गाण सुरु कैरी दे, ” मजहब नि सि खाँदु आपस माँ बैर रखण….” राजनीति लैरी- लैरी क गाण लगी गे। “उन एक बात च!” गीतै की पंक्ति सुणण का बाद कुर्सी न बोली।

“क्य!” राजनीति न पूछी।

“हौर क्वी बि गीत तुम इतगा भौंण माँ नि गै सकदा ।”

इतगा सुणदु ई राजनीति जोर  से हैंसी। हैंसी इतगा जोर की छै, कि कुर्सी तैं इन लगी जन कौंपण से  हूँणी हो।

-0-